Аймгийн Иргэдийн Төлөөлөгчдийн Хурлын дарга Л.Хишигтогтох болон Тэргүүлэгч Б.Тэгшжаргал, Т.Доржоо, Хурлын Нийгмийн бодлогын хорооны дарга Э.Ундармаа, Нутгийн удирдлага өргөдөл гомдол, хяналт үнэлгээний бодлогын хорооны дарга С.Дэлгэр, Төлөөлөгч О.Хүрэлбаатар, Н.Алтаншагай нар Хэрлэн сумын 1дүгээр багт үйл ажиллагаа явуулж буй “Хүүхэд хөгжлийн төв”-ийн ажилтай танилцлаа. Тус төв нь аймгийн хэмжээнд байгаа сургууль цэцэрлэгт хамрагдаагүй хөгжлийн бэрхшээлтэй 15 хүүхдийг хүлээн авч тэдэнд нийгмийн бүхий л талын тусламж үйлчилгээг үзүүлэн ажилладаг байна. Хурлын зүгээс байрны түрээсийн хугацааг сунгах, үйл ажиллагааны зардал зэрэг асуудлыг ИТХ-ын хуралдаанаар хэлэлцүүлэн шийдвэрлүүлэхээр болов.