2020 оны сонгуулийн үр дүнд байгуулагдсан аймгийн иргэдийн Төлөөлөгчдийн Хурлын 8 дахь удаагийн сонгуулийн анхдугаар хуралдаан өнөөдөр болж байна. Аймгийн Иргэдийн Төлөөлөгчдийн хуралд сонгогдсон 37 төлөөлөгчдөөс Монгол Ардын Нам-26, Ардчилсан нам-8, Монгол Ардын Хувьсгалт Нам-1, Бие даагч 2 суудал аваад байгаа юм.
Нийт 37 төлөөлөгчийн 32 эрэгтэй, 5 эмэгтэй төлөөлөгч байна.
Өнөөдрийн хуралдааны хэлэлцэх асуудалд аймгийн ИТХ-ын даргыг сонгох асуудлыг хэлэлцэж нийт 36 төлөөлөгчдөөс илээр санал хурааж 77,8 хувийн саналаар Мөнхсайханы Энхтөрийг аймгийн иргэдийн Төлөөлөгчдийн хурлын даргаар сонголоо. Тэрээр өмнө нь Чойбалсан олон улсын нисэх буудлын даргын албыг хашиж байсан юм.