Улсын төсвийн хөрөнгө оруулалтаар төв замын дагуух гэрэлтүүлгийг шинэчлэхээр болсон билээ. Тэгвэл энэхүү ажлыг Чойбалсан хотын “Гэрэл сэтгэмж” ОНӨҮГ төв зам дагуу 450 ширхэг гэрлийн шон, төмөр замын чиглэлд 100, нийт 550 гэрлийн шонг байрлуулахаар ажлаа эхлүүлээд байна. Өнөөдөр Бумбатын хотхоны баруун тал, Магнай трейд шатахуун түгээх станцын баруун талаас анхны шонг байрлуулж, цаашид төв замын 2 талаар гэрлийн шон байрлуулах юм байна.

Чойбалсан хотын өдөр 2014.09.28-ны өдөр болохтой холбогдуулан баярын өмнө гэрлийн шон байрлуулах ажлыг дуусгах төлөвлөгөөтэй ажиллаж байна.